Առաջին սերնդի Renault Kaptur քրոսովերների սեփականատերերի հիմնական բողոքներն իրենց մեքենաների վերաբերյալ վարիատորի գերտաքացումն է և ցածրորակ հարդարման նյութերը: Այս մասին Газета.Ru-ին հայտնել է Fresh automotive marketplace-ի կոմերցիոն տնօրեն Եվգենի Ժիտնուխինը։
«Jatco CVT (JF015E) Renault Kaptur քրոսովերի թույլ կողմերից մեկն է: Այն մեծ դժվարություն է առաջացնում սահելու և հանկարծակի արագացման ժամանակ, գերտաքանում է քաղաքային խցանումների ժամանակ և պահանջում է ջերմափոխանակիչի հաճախակի մաքրում։ Այն նաեւ պահանջում է ավելի հաճախակի յուղափոխություն»,- ասաց մասնագետը։
Նաև ֆրանսիական քրոսովերի ամենահավատարիմ տերերը դժգոհություններ ունեն ինտերիերի դիզայնից։ Renault Kaptur-ի ինտերիերից դժգոհության հիմնական պատճառներն են՝ էժան կոշտ պլաստիկը, կարևոր հատվածների լուսավորության բացակայությունը, անտրամաբանականորեն տեղակայված կոճակները և բաժակապնակների բացակայությունը, նշել է փորձագետը։
Միևնույն ժամանակ, Renault Kaptur-ի թափքի ներկը դիմացկուն է քերծվածքների և աննշան վնասների նկատմամբ և կարող է դիմակայել ագրեսիվ միջավայրերին, ներառյալ ռեակտիվներին ձմռանը:
Բոլոր շարժիչներն ունեն լավ արդյունավետություն և ունեն մինչև 350 հազար կիլոմետր ծառայության ժամկետ: Առավելություններից է նաև գետնից 204 մմ հեռավորությունը, ինչը պատշաճ ցուցանիշ է այս դասի մեքենայի համար, նշել է Ժիտնուխինը։
Երկրորդային շուկայում Renault Kaptur-ի արժեքը տատանվում է 900 հազարից մինչև 1,7 միլիոն ռուբլի:
Թարգմանությունը՝ Մանուել Թամազյանի
