Նոյեմբերի 20-ին Պակիստանի Կարաչիի նավահանգստում դիմավորել են թուրքական «Օրուչ Ռեիս» հետազոտական նավին։ Այն Պակիստանի ափերի մոտ ուսումնասիրելու է ծովի հատակի տակ նավթի և գազի հնարավոր պաշարները։ Արարողությանը մասնակցել են երկու երկրների էներգետիկ ոլորտի պատասխանատուները։
Նավը նախ եռաչափ սեյսմիկ հետազոտություն կկատարի Ինդոսի ավազանի 670 քառակուսի կիլոմետր տարածքում։ Այնուհետև Մակրանի ավազանի համար նախատեսված են երկչափ չափումներ՝ ընդհանուր 2 353 կիլոմետր երկարությամբ հետազոտական գծերով։
Պակիստանի նավթի նախարար Ալի Փերվեզ Մալիքի խոսքով՝ կողմերն ակնկալում են մոտ վեց ամսում ավարտել տվյալների հավաքումն ու վերլուծությունը։ Հորատման մեկնարկը նախատեսվում է 2027-ին։ Թուրքիայի էներգետիկայի նախարար Ալփարսլան Բայրաքթարն ավելի վաղ հայտնել էր, որ Իրանի պատերազմի պատճառով արշավը հետաձգվել էր մոտ կես տարով։








