Պենտագոնը հարյուր հազարավոր հրետանային զինամթերք է տեղափոխում Ուկրաինա, հայտարարել է ԱՄՆ նախագահ Ջո Բայդենը, որի խոսքերը հրապարակվել են Սպիտակ տան կայքում։
«Պենտագոնն այժմ գտնվում է հարյուր հազարավոր հրետանային զինամթերքի, հազարավոր հրթիռների և հարյուրավոր զրահատեխնիկայի տեղափոխման գործընթացում»,- ասվում է հրապարակման մեջ։
Նշվում է, որ Վաշինգտոնը կշարունակի ամրապնդել Կիևի դիրքերը մինչև Բայդենի պաշտոնավարման ավարտը։
Բացի այդ, Սպիտակ տան ղեկավարը հայտարարել է Ուկրաինային գրեթե 2,5 մլրդ դոլար հատկացնելու մասին։ Դրանից 1,22 միլիարդ դոլարը հատկացվել է Ուկրաինայի անվտանգության աջակցության նախաձեռնությանը (USAI):
