Կյանքից հեռացել է ֆրանսահայ հայտնի կոմպոզիտոր Կարպիս Ապրիկյանը

18.10.2024 13:09 | Կատեգորիա Գիտություն և մշակույթ

Ֆրանսիայում ՀՀ դեսպանությունը խորը ցավով տեղեկացավ ֆրանսահայ հայտնի կոմպոզիտոր, երաժշտագետ, «Սիփան-Կոմիտաս» երգչախմբի հիմնադիր և երկարամյա ղեկավար Կարպիս Ապրիկյանի մահվան մասին։ Այս մասին հայտնում են Ֆրանսիայում ՀՀ դեսպանությունից։

Անգնահատելի է մեծանուն կոմպոզիտորի դերը Ֆրանսիայում և նրա սահմաններից դուրս հայկական մշակույթի տարածման գործում։ Իր հիմնադրած «Սիփան-Կոմիտաս» երգչախմբի հետ Կարպիս Ապրիկյանն ավելի քան 50 տարի աշխարհի տարբեր երկրներում ներկայացրել է հայկական երգն ու երաժշտությունը։ Առանձնահատուկ հիշատակության արժանի է նրա կողմից ամբողջականացված «Սասունցի Դավիթի ծնունդը» օրատորիան՝ Բարսեղ Կանաչյանի էսքիզների հիման վրա։

Մեր անկեղծ ցավակցություններ ենք հայտնում Կարպիս Ապրիկյանի ընտանիքին, նրա հարազատներին և բազմաթիվ սաներին։ Կարպիս Ապրիկյանի ոգին ու ինքնատիպ արվեստը շարունակելու են ապրել նրա ստեղծագործություններում։

Ծանոթություն․ Կարպիս Ապրիկյանը ծնվել է 1926թ․, Եգիպտոսի Ալեքսանդրիա քաղաքում։ 1948թ․ այնտեղ հիմնել է «Համազգային» երգչախումբը, որի հետ Եգիպտոսում հանդես է եկել բազմաթիվ համերգներով։ 1953թ․ տեղափոխվել է Փարիզ, իսկ կարճ ժամանակ անց հիմնել և սկսել է ղեկավարել «Սիփան-Կոմիտաս» երգչախումբը՝ մեծ հաջողությամբ հանդես գալով միջազգային բազմաթիվ հեղինակավոր բեմերում։

Հայկական երաշտության տարածման գործում ունեցած մեծ ավանդի, հայկական մշակույթի, արվեստի և կրթության բնագավառներում բացառիկ նվաճումների համար Կարպիս Ապրիկյանը 2009թ․ արժանացել է Հայաստանի պետական պարգևի՝ «Մովսես Խորենացի» մեդալի, իսկ 2021թ․՝ Ֆրանսիայի Մշակույթի նախարարության կողմից նրան շնորհվել է «Արվեստի և գրականության կոմանդորի» («Commandeur de l’Ordre des Arts et des Lettres») պետական շքանշան։ 2024թ․ սեպտեմբերի 29-ին Կարպիս Ապրիկյանը Փարիզի քաղաքապետ Անն Հիդալգոյի կողմից պարգևատրվել է նաև Փարիզ քաղաքի բարձրագույն պարգևով՝ Փարիզի Մեծ մեդալով (Médaille Grand Vermeil de Paris)։

Ամենաշատ կարդացվածներ

Տեղի է ունեցել բուժակների հետագա պայմանագրային ծառայության վայրերի ընտրության վիճակահանությունը

30.08.2026 16:00 | Կատեգորիա Հասարակություն

«Մայորը համածառայակիցների ներկայությամբ սրբիչով քերել է զինվորի դեմքը»․ սկանդալային միջադեպ

29.08.2026 20:25 | Կատեգորիա Պատահարներ

Վենեսուելան և ԱՄՆ-ն նավթային գործարք են կնքել 25 տարով. Դելսի Ռոդրիգես

30.08.2026 12:30 | Կատեգորիա Համաշխարհային

«Արարատ-Արմենիա»-ն Եվրոպա լիգայի ուղեգիր է նվաճել

28.08.2026 00:45 | Կատեգորիա Սպորտ

8 տարի բա ի՞նչ էիր անում․ լվացած ուղեղների համար են այդ հայտարարությունները. իրավապաշտպան (տեսանյութ)

28.08.2026 20:29 | Կատեգորիա Քաղաքական

Սուրեն Աղաջանյանը ոսկե մեդալ է նվաճել

28.08.2026 01:21 | Կատեգորիա Սպորտ

Կամո Ցուցուլյանը վերանշանակվել է ոստիկանության պետ-ներքին գործերի նախարարի տեղակալի պաշտոնում

29.08.2026 11:52 | Կատեգորիա Քաղաքական

Իրանի ԱԳՆ փոխնախարար․ Ոչ մի նավ չի կարող անցնել Հորմուզով առանց Թեհրանի հետ համաձայնեցման

30.08.2026 12:58 | Կատեգորիա Համաշխարհային

Քոչարյանի գործով 60 քննիչ է ներգրավված. Ռուսաստանը փոխում է մարտավարությունը (տեսանյութ)

28.08.2026 18:16 | Կատեգորիա Հասարակություն

ՈՒՂԻՂ