Նշվել է նիհարելու համար միջակայքային քաղցելու գլխավոր առավելությունը. Medical Xpress

03.06 11:51 | Կատեգորիա Գիտություն և մշակույթ

Ժամանակային սահմանափակումներով սնվելը (միջակայքանին քաղցելը) նիհարելու համար ենթադրում է օրական սննդաբաժնի կալորիականության սահմանափակում։ Սակայն որոշակի ժամանակային շրջանակների մեջ տեղավորվելն ավելի հեշտ է, քան կալորիաները հաշվելը։ Այս մասին Medical Xpress պարբերականին պատմել է սննդաբան եւ սննդի ոլորտի հետազոտող Քորթնի Փիտերսոնը Ալաբամայի համալսարանից։Սննդաբանը պատմել է, որ միջակայքային քաղցելը սնվելու այն ռեժիմն է, երբ սնունդ ընդունելու շրջանները հերթագայում են խիստ ժամանակային սահամանափակումների շրջաններով։ Ամենատարածվածը 16/8 սխեման է, որը ենթադրում է քաղցած մնալ 16 ժամվա ընթացքում։Մասնագետը բացատրել է, որ նիհարելու հիմքում ընկած է գլխավոր կանոնը՝ կալորիաների ծախսի ավելացումը դրանց սահմանափակ ընդունման պայմաններում։ Սննդի հետ ընդունվող էներգիային ճիշտ հետեւելուն օգնում է կալորիաների հաշվարկը։ Սակայն այդ մեթոդիկան կարող է խիստ բարդ լինել եւ պահանջել ժամանակային մեծ ծախս։Նիհարելու նպատակով միջակայքային քաղցելն արդյունավետությամբ ոչ ավելի լավ է, ոչ էլ ավելի վատ, քան կալորիաների հաշվարկն ու դրանց նվազեցումը։ Բայց առաջին մեթոդի գլխավոր առավելությունը պարզությունն է։ Փիտերսոնի խոսքով՝ մեկ սկզբունքին՝ որոշակի ժամանակային շրջանակում սնվելուն հետեւելը լրացուցիչ բեռնվածություն չի ստեղծում հոգեկանի վրա եւ թույլ է տալիս ավելի հեշտ իջեցնել քաշը։

Լրահոս

16:20

«Ուղղակի չեք կարող պատկերացնել»․ երգչուհի Անահիտ Սիմոնյանը բողոքել է իր առողջական վիճակից

16:10

Մահացել է ԱԱԾ պետի նախկին տեղակալ, գեներալ-լեյտենանտ Հրանտ Եպիսկոպոսյանը

15:53 Կարևոր

«Այստեղ է բաբախում հայության սիրտը». Աբրահամ Հովեյանը շնորհավորել է հայերին Երևանի 2807-ամյակի կապակցությամբ