Թրամփի վարչակազմն աշխատում է ՄԱԿ-ի Անվտանգության խորհրդի բանաձևի վրա, որը նախատեսում է բազմազգ ուժեր տեղակայել Գազայի հատվածում՝ Վաշինգտոնի միջնորդությամբ կնքված հրադադարը պահպանելու համար, հաղորդում է CNN-ը՝ հղում անելով իր աղբյուրին։
Նրա խոսքով՝ քննարկվում են ժամանակավոր անվտանգության ուժերի ստեղծման մանրամասները, որոնց խնդիրներն են լինելու Գազայի հատվածի ապառազմականացումը և պաղեստինյան նոր ոստիկանական ուժերի պատրաստումը։
Աղբյուրը հավելել է, որ ամերիկյան զորքերը չեն լինի Գազայի հատվածի ներսում գտնվող այս անվտանգության ուժերի մաս, այլ կկատարեն «համակարգող գործառույթ» անկլավից դուրս։ Նշվում է, որ բանաձևի նախնական տարբերակներն արդեն տարածվել են ՄԱԿ-ի
Անվտանգության խորհրդի մյուս անդամների շրջանում։
Հոկտեմբերի 9-ին Իսրայելը և Համասը, Եգիպտոսի, Կատարի, ԱՄՆ-ի և Թուրքիայի միջնորդությամբ, համաձայնեցին իրականացնել Թրամփի կողմից ներկայացված խաղաղության ծրագրի առաջին փուլը։ ԱՄՆ նախագահի կողմից ուրվագծված հրադադարը Ղազայում ուժի մեջ մտավ հոկտեմբերի 10-ին։
