ԱՄՆ նախագահ Դոնալդ Թրամփը պնդում է, որ ամերիկացի ռազմական օդաչուները իրեն ասել են, որ իրենց թռիչքների ժամանակ տեսել են անհայտ թռչող օբյեկտներ (ՉԹՕ), որոնք շարժվում են մեծ արագությամբ։ «Ես այդքան էլ չեմ հավատում նման տեսություններին, բայց իմ առաջին ժամկետի և երկրորդի մի մասի ընթացքում ես հանդիպել եմ Ռազմաօդային ուժերի օդաչուների հետ։ Նրանք շատ հարգված և լուրջ մարդիկ են, ընդհանրապես դավադրության տեսաբաններ չեն։ Նրանք ինձ պատմեցին շատ տարօրինակ բաներ և ասացին, որ որոշակի դեպքերում իսկապես ինչ-որ բան է պատահում։
Պատկերացրեք, որ օդաչուները թռչում են F-22-ով, և հանկարծ ինչ-որ բան սուլելով անցնում է նրանց կողքով՝ շարժվելով երեք անգամ ավելի արագ, և այն կլոր է», - ասել է Թրամփը CBS News-ին տված հարցազրույցում՝ ենթադրելով, որ ՉԹՕ-ն կարող է շփոթվել գիսաստղի հետ։ Սեպտեմբերին Պենտագոնը հրապարակեց հինգ րոպեանոց տեսանյութ, որը ցույց էր տալիս 800 կմ/ժ-ից ավելի արագությամբ շարժվող ՉԹՕ։ Տեսանյութի վերնագրում նշված էր, որ այն նկարահանվել է 2024 թվականին, և որ դրանում պատկերված ՉԹՕ-ն «սպիտակ, կլոր գունդ է, որը շարժվում է ժամում 500 մղոն արագությամբ»։
Մերձավոր Արևելքում նկարահանված կադրերում երևում է, թե ինչպես է օբյեկտը թռչում ցամաքի և ջրի վրայով։
