Ատոմային էներգիայի միջազգային գործակալության (ԱԷՄԳ) գլխավոր տնօրեն Ռաֆայել Գրոսսին հայտարարել է, որ գործակալությունը գնահատում է, որ հարստացված ուրանի գրեթե ամբողջ ծավալը մնում է Իրանում՝ Իսրայելի և ԱՄՆ-ի կողմից իրանական միջուկային օբյեկտներին հարվածներից հետո։
«Վնասը հսկայական էր, բայց մենք գնահատում ենք, որ մինչև 60%, ինչպես նաև 20%, 5% և 2% հարստացված ուրանի մեծ մասը, եթե ոչ ամբողջը, դեռևս այնտեղ է», - ասել է Գրոսսին Financial Times-ին։
Նրա խոսքով՝ «այդքան բարձր հարստացման աստիճանի, զենքի համար նախատեսված որակին մոտ նյութի գոյությունն ինքնին մտահոգության տեղիք է տալիս»։
Սեպտեմբերին Գրոսսին հայտարարեց, որ Ատոմային էներգիայի միջազգային գործակալությունը (ԱԷՄԳ) չի տեսնում ուղղակի ապացույցներ, որ Իրանը մեծացնում է ուրանի հարստացման մակարդակը, սակայն Թեհրանն ունի դա անելու կարողություն։
