Ղազախստանի նախագահ Կասիմ-Ժոմարտ Տոկաևը Աստանայում ընդունել է ՌԴ փոխվարչապետ Ալեքսանդր Նովակին, և հանդիպմանը քննարկվել են էներգետիկ ոլորտում երկու երկրների փոխգործակցության հարցեր։ Այս մասին հայտնում է Ղազախստանի ղեկավարի մամուլի ծառայությունը։
«Հանդիպման ընթացքում քննարկվել են նաև երկկողմ առևտրատնտեսական համագործակցության հետագա ամրապնդման հարցերը:
Ռուսաստանի Դաշնության փոխվարչապետը Տոկաևին է փոխանցել ՌԴ նախագահ Վլադիմիր Պուտինի ողջույնները՝ «ընդգծելով երկրների միջև երկխոսության և համագործակցության բարձր մակարդակը»։
Իր հերթին, Տոկաևն ընդգծել է, որ Ղազախստանի և Ռուսաստանի միջև միջպետական հարաբերությունները զարգանում են շատ դինամիկ՝ բարեկամության, բարիդրացիության և դաշինքի ոգով։
