Գազայի հատվածում պաղեստինյան «Համաս» արմատական խմբավորման ստորաբաժանումների դեմ մարտերի ընթացքում սպանվել է Իսրայելի պաշտպանության բանակի մեկ զինվոր, ևս ութը վիրավորվել են։
Իսրայելի պաշտպանության բանակի մամուլի ծառայության հաղորդմամբ, Բեյթ Հանունում հակատանկային հրթիռի հարվածից զոհվել է Կֆիր բրիգադի Նեթզախ Յեհուդա գումարտակում ծառայող 23-ամյա սերժանտը, վիրավորվել ութ զինվոր, որոնցից երեքը ծանր վիճակում են։
Այս տվյալները հաշվի առնելով՝ Գազայի հատվածում և պաղեստինյան անկլավի սահմանների երկայնքով Իսրայելի պաշտպանության բանակի ցամաքային գործողության մեկնարկից ի վեր զոհված զինվորների թիվը հասել է 395-ի։
Մերձավորարևելյան հակամարտության նոր փուլի ընթացքում սպանված իսրայելցի զինվորականների ընդհանուր թիվը, ըստ բանակի մամուլի ծառայության, կազմել է 825։
