Չինաստանի նախագահ Սի Ցզինպինը ցավակցական հեռագիր է հղել ԱՄՆ նախագահ Ջո Բայդենին՝ Սպիտակ տան նախկին ղեկավար Ջիմի Քարթերի մահվան կապակցությամբ։ Այս մասին հայտնում է Չինաստանի կենտրոնական հեռուստատեսությունը։
«Նախկին նախագահ Քարթերը նպաստեց Չինաստանի և Միացյալ Նահանգների միջև դիվանագիտական հարաբերությունների հաստատմանը և համապատասխան որոշումներ կայացրեց, և երկար ժամանակ նա կարևոր ներդրում ունեցավ Չինաստան-ԱՄՆ հարաբերությունների զարգացմանը, ինչպես նաև երկու երկրների միջև բարեկամական փոխանակումներին և համագործակցությանը։ Ես խորապես ափսոսում եմ նրա մահվան համար», - ասել է Սի Ծինփինը:
Նա հավելել է, որ «Չինաստան-ԱՄՆ հարաբերություններն աշխարհում ամենակարեւոր երկկողմ հարաբերություններից են»։
Պեկինը պատրաստ է աշխատել Վաշինգտոնի հետ՝ խթանելու երկկողմ հարաբերությունների զարգացումը առողջ և կայուն ձևով, ինչը համահունչ է երկու ժողովուրդների հիմնարար շահերին և միջազգային հանրության ակնկալիքներին, եզրափակել է Չինաստանի ղեկավարը։
