Թրամփի վարչակազմը զգուշացրել է Ուկրաինային Սև ծովում երրորդ կողմի նավերի և նավթային ենթակառուցվածքների վրա հարձակումների մասին, ուրբաթ օրը հաղորդել է The Wall Street Journal-ը՝ հղում անելով իր աղբյուրին։
«ԱՄՆ վարչակազմը CPC-ն (Կասպյան խողովակաշարերի կոնսորցիում) դիտարկում է որպես Ղազախստանից եվրոպական շուկաներ էներգակիրների մատակարարման կարևորագույն ուղի, որը ծառայում է որպես ռուսական շուկաների այլընտրանք», - ասել է աղբյուրը։ Աղբյուրի փոխանցմամբ՝ Chevron-ի գործադիր տնօրեն Մայք Վիրթը Սպիտակ տան պաշտոնյաների հետ բարձրացրել է ուկրաինական հարվածներից առաջացած կողմնակի վնասի հարցը։ Ընկերությունը CPC-ի 15% բաժնեմաս ունի և հետաքրքրված է իր սեփական ենթակառուցվածքների պաշտպանությամբ։
Հուլիսին CPC ծովային տերմինալի մոտ տեղի ունեցավ մի շարք անօդաչու թռչող սարքերի հարձակումներ տանկերների վրա։ Ղազախստանի արտաքին գործերի նախարարությունը չի բացառել, որ Աստանան կպահանջի վնասի փոխհատուցում։ Հանրապետությունն իր նավթի մոտ 80%-ը արտահանում է CPC-ի միջոցով։
