Ռուսաստանի նախագահ Վլադիմիր Պուտինը միլիոն անգամ ընդգծել է, որ Վլադիմիր Զելենսկին կարող է գալ Մոսկվա, եթե ցանկանում է հանդիպել իր հետ։ Այս մասին Առաջին ալիքին տված հարցազրույցում հայտարարել է ՌԴ նախագահի օգնական Յուրի Ուշակովը։
Նրան հարցրել են՝ արդյոք Զելենսկու անունը հիշատակվել է Պուտինի՝ Ֆինլանդիայի նախագահ Ալեքսանդր Ստուբի և Նորվեգիայի վարչապետ Յոնաս Գար Ստյորեի հետ հեռախոսազրույցների ընթացքում։
«Այո՛, իհարկե, Զելենսկու ազգանունը հիշատակվել է։ Խոսվել է նաև Ռուսաստանի նախագահի հետ առանձին հանդիպում ունենալու նրա համառ ցանկության մասին։ Մեր նախագահը միլիոն կամ մեկուկես միլիոն անգամ ասել է՝ եթե նա իսկապես ցանկանում է բանակցել, թող գա Մոսկվա։ Այստեղ նրա համար կապահովվեն բոլոր անհրաժեշտ պայմանները»,- ասել է Ուշակովը։
