Երկար կամ խիստ փոփոխական ցերեկային քունը կարող է զգալիորեն մեծացնել վաղաժամ մահվան ռիսկը: Այս եզրակացությանն են հանգել Հարվարդի բժշկական դպրոցի գիտնականները: Ուսումնասիրության արդյունքները հրապարակվել են SLEEP ամսագրում:
Ուսումնասիրության համար հետազոտողները վերլուծել են 86,565 կամավորների առողջական տվյալները, որոնց միջին տարիքը 63 էր: Յոթ օրվա ընթացքում մասնակիցները կրել են ակտիգրաֆիկ ապարանջաններ, որոնք գրանցել են նրանց շարժումներն ու վարքագիծը քնի ընթացքում: Ուսումնասիրությունը կենտրոնացել է ցերեկային քնի վրա (ժամը 9:00-ից մինչև 19:00-ը):
Քնի տվյալները հավաքելուց հետո հետազոտողները սկսել են հետևել մասնակիցներին: 11 տարվա ընթացքում մահացել է 5,189 մասնակից՝ ընդհանուրի 6%-ը: Ցերեկային քնի միջին տևողությունը կազմել է 24 րոպե: Ավելի երկար, ավելի հաճախակի կամ ավելի փոփոխական ցերեկային քուն ունեցող մարդիկ զգալիորեն ավելի բարձր ռիսկ ունեին մահվան:
Ուսումնասիրության մեջ քնի փոփոխականությունը սահմանվել է որպես քնելու վրա տարբեր ժամանակ անցկացնելու, ինչպես նաև քնի կայուն ժամանակ չպահպանելու սովորություն:
«Օրվա քնի հետ կապված ռիսկերի մասին վկայող տվյալները հակասում են դրանց օգուտների մասին մեր ներկայիս պատկերացումներին, ուստի անհրաժեշտ են հետագա հետազոտություններ», - նշել է ուսումնասիրության համահեղինակ Չենլու Գաոն։
Ուսումնասիրության հեղինակները նաև կոչ են անում մարդկանց անհապաղ դիմել բժշկական օգնության, եթե ուժեղ քնկոտություն են զգում։ Մշտական հոգնածությունը կամ քնի խանգարումները կարող են նաև լինել բազմաթիվ բժշկական խնդիրների նշաններ, այդ թվում՝ դեպրեսիայի, Պարկինսոնի հիվանդության և երկաթի դեֆիցիտային անեմիայի։
Թարգմանությունը՝ Euromedia24.com-ի
