Շոգ եղանակին մարդկանց մոտ ախորժակի նվազում է նկատվում, ինչը բնական գործընթաց է: Այս մասին kp.ru-ին ասել է դիետոլոգ Լյուդմիլա Դենիսենկոն:
«Որքան երկար է տևում ցածր խոնավությամբ շոգը, այնքան ավելի է փոխվում նյութափոխանակությունը: Շոգի մեջ շատ հեղուկ է կորչում, թքարտադրությունը նվազում է, ինչը բերանի չորության զգացողություն է առաջացնում: Սա հանգեցնում է ախորժակի նվազմանը և սննդի մարսողականության վատթարացմանը», - բացատրել է մասնագետը:
Նրա խոսքով՝ շոգը կարող է նաև արագացնել վիտամինների, մասնավորապես՝ ջրում լուծվողների, սպառումը: Դրանց թվում են C, B1, B2, B6 և PP վիտամինները: Սա սպառնում է դրանց անբավարարությամբ օրգանիզմում, ուստի արժե պահպանել սննդակարգի ճիշտ հավասարակշռությունը:
Ամռանը Դենիսենկոն խորհուրդ է տվել փոխել սննդակարգը և հիմնական կերակուրները ուտել միայն առավոտյան և երեկոյան: Օրվա ընթացքում կարող եք սահմանափակվել թեթև նախուտեստներով: Ավելի լավ է ծանր կերակուրները փոխարինել բանջարեղենով, մրգերով և թեթև սպիտակուցային մթերքներով:
Բժիշկ Եկատերինա Դմիտրենկոն նախկինում ասել էր, որ շոգ եղանակին կարևոր է ավելի շատ մաքուր ջուր խմել, ինչպես նաև սննդակարգում ավելացնել հանքային ջուր և հանքանյութերով հարուստ սնունդ՝ ջրազրկումից խուսափելու համար: Նրա խոսքով՝ մաքուր ջուր խմելը առանց էլեկտրոլիտների լրացման կարող է հակառակ ազդեցություն ունենալ:
Թարգմանությունը՝ Euromedia24.com-ի
