Ռուսաստանի և Բելառուսի նախագահներ Վլադիմիր Պուտինը և Ալեքսանդր Լուկաշենկոն քիչ առաջ հեռախոսազրույց են ունեցել, որի ընթացքում քննարկել են Բելառուսի ղեկավարի մոտալուտ այցը Ռուսաստանի Դաշնություն։ Այս մասին ճեպազրույցում ասել է ՌԴ նախագահի մամուլի քարտուղար Դմիտրի Պեսկովը։
«Պատրաստվում է Բելառուսի նախագահի այցը Ռուսաստան Նախագահները վերջերս հեռախոսով խոսել են, մասնավորապես՝ պայմանավորվել են, որ նման այց կկայանա մոտ ապագայում»,- ասել է Կրեմլի ներկայացուցիչը։
«Մենք ձեզ հստակ կասենք, թե երբ, դա կանենք մեր բելառուս գործընկերների հետ միասին»,- հավելել է նա։
Պուտինի և Լուկաշենկոյի վերջին խոսակցությունը, որի մասին հայտնել է Կրեմլը, տեղի է ունեցել հունվարի վերջին։ Այնուհետեւ ՌԴ նախագահը շնորհավորել է բելառուս գործընկերոջը՝ ընտրություններում համոզիչ հաղթանակի կապակցությամբ։
Պեսկովն ավելի վաղ նշել էր, որ Կրեմլը չի հաղորդում երկու երկրների ղեկավարների յուրաքանչյուր զրույցի մասին, քանի որ նրանք մշտական կապի մեջ են՝ վարելով հարուստ և խիտ երկխոսություն։
