Եվրահանձնաժողովի (ԵՀ) ղեկավար Ուրսուլա ֆոն դեր Լայենը նամակ է ուղարկել ԵՄ 27 երկրների ղեկավարներին, որում ներկայացրել է 800 միլիարդ եվրո բյուջեով համայնքի վերազինման իր ծրագիրը, ինչպես նա ասել է Բրյուսելում լրագրողներին, ծրագիրը կքննարկվի մարտի 6-ին Բելգիայի մայրաքաղաքում կայանալիք ԵՄ արտակարգ գագաթնաժողովում:
«Եվրամիության վերազինման ծրագիրը կարող է մոբիլիզացնել շուրջ 800 միլիարդ եվրո պաշտպանական ծախսեր անվտանգ և տոկուն Եվրոպայի համար», - ասել է նա:
Նրա խոսքով՝ ծրագիրը բաղկացած է հինգ կետից. նա առաջարկում է ԵՄ երկրներին 1,5%-ով ավելացնել պաշտպանության ընթացիկ ծախսերը՝ զենքի արտադրության համար 650 միլիարդ եվրո հավաքելու համար։
Բացի այդ, Եվրահանձնաժողովը մտադիր է ներգրավել 150 միլիարդ եվրո՝ ԵՄ-ում հակաօդային պաշտպանության համակարգերի և Ուկրաինայի համար զենքի արտադրության համար վարկերի տեսքով։
