Ֆրանսիայի նախագահ Էմանուել Մակրոնը հեռանում է Վաշինգտոնից՝ առանց ԱՄՆ-ի աջակցության խոստման կամ Ուկրաինայի հակամարտության վերաբերյալ ԱՄՆ առաջնորդ Դոնալդ Թրամփի դիրքորոշման փոփոխության։ Այս մասին ասվում է The Guardian թերթի նյութում։
Հրատարակության համաձայն՝ Մակրոնը և Մեծ Բրիտանիայի վարչապետ Քիր Սթարմերը, ով պետք է Վաշինգտոն ժամանի այս շաբաթվա վերջին, փորձում են փրկել անդրատլանտյան դաշինքը, որն ապրում է վերջին տասնամյակների ամենալուրջ ճգնաժամը։ Սթարմերի առջեւ նույնպես բարդ խնդիր է դրված՝ փորձելով ամերիկյան առաջնորդին հետ պահել Եվրոպայի հետ խզումից, նշում է The Guardian-ը։
Փետրվարի 23-ին ԱՄՆ նախագահի ազգային անվտանգության հարցերով օգնական Մայք Ուոլցը հայտարարել է, որ Միացյալ Նահանգները վերաձեւակերպում է Ռուսաստանի Դաշնության հետ փոխգործակցության և Կիևին օգնություն տրամադրելու իր մոտեցումը։
Նա նաեւ ընդգծել է, որ ԱՄՆ-ը ակնկալում է Ուկրաինայում հրադադարի հաստատումը։ Վալցի խոսքով՝ Վաշինգտոնի քաղաքականությունն այս վեկտորում փոխելու առաջին քայլը Թրամփի զրույցն էր ՌԴ նախագահ Վլադիմիր Պուտինի հետ և Ռիադում ռուսական և ԱՄՆ պատվիրակությունների միջև հետագա բանակցությունները, իսկ հաջորդ փուլը պետք է լինեն ԱՄՆ առաջնորդի և Մակրոնի ու Սթարմերի միջև շփումները։
