Ամերիկյան իրապատում շոուների աստղ Քարդաշյան-Ջեներ ընտանիքը Կալիֆոռնիայում մոլեգնող սաստիկ անտառային հրդեհների դեմ պայքարող հրշեջներին, կամավորներին Գլենդեյլում գտնվող հայկական ռեստորանի միջոցով անվճար սննդով է ապահովել, գրում է Daily Mail-ը:
«Ես և իմ ընտանիքը ցանկանում էինք այսօր կերակրել հրշեջներին, կամավորներին և չէինք կարող Carousel Restaurant-ից ավելի լավ ռեստորանի դիմել: Մեր սիրած հայկական ռեստորանը»,- նշել է Քլոյե Քարդաշյանը:
Մինչդեռ Carousel Restaurant-ն իր հրապարակման մեջ աստղային ընտանիքին շնորհակալություն է հայտնել առատաձեռնության համար:
Նշենք, որ Կալիֆոռնիայում հազարավոր շինություններ կլանած անտառային հրդեհներն այժմ մոտենում են Քարդաշյան-Ջեներ ընտանիքի՝ Hidden Hills և Calabasas շրջաններում գտնվող առանձնատներին: Հրդեհները խլել են 10 մարդու կյանք:
