Հյուսիսային Կորեան այս տարի իրականացրել է իր առաջին հրթիռի արձակումը, փոխանցում է ՏԱՍՍ-ը։
Ճապոնիայի հանրային հեռուստատեսության տվյալներով՝ հրթիռն ընկել է Ճապոնական ծովում գտնվող Ճապոնիայի բացառիկ տնտեսական գոտուց դուրս։
Ավերածությունների մասին տեղեկություններ չկան։
Ճապոնական դիտորդները տարածաշրջանում գտնվող նավերին կոչ են անում չմոտենալ այդ տարածք, եթե հրթիռի բեկորներ հայտնաբերեն անմիջապես կապ հաստատեն իշխանությունների հետ:
Ճգնաժամային շտաբը սկսել է աշխատել Ճապոնիայի վարչապետ Շիգերու Իշիբայի գրասենյակի ներքո՝ Փհենյանի հրթիռի արձակման մասին տեղեկություններ հավաքելու և վերլուծելու համար:
Իշիբան նաև համապատասխան նախարարություններին և գերատեսչություններին կարգադրել է տեղի բնակչությանն անհապաղ տեղեկատվություն տրամադրել իրավիճակի մասին և ապահովել տարածաշրջանում նավագնացության և քաղաքացիական ավիացիայի անվտանգությունը։Սա Հյուսիսային Կորեայի առաջին հրթիռի արձակումն էր 2025 թվականին։
Վերջին անգամ Փհենյանը հրթիռ է արձակել անցյալ տարվա նոյեմբերի 5-ին։
