Ղազախստանում երկու մարդ դատապարտվել է յոթ տարվա ազատազրկման՝ ահաբեկչություն քարոզելու համար։ Այս մասին հայտնում է Ղազախստանի Ազգային անվտանգության կոմիտեն (ԱԱԿ)։
«Նրանցից մեկը՝ Տարազի բնակիչը, իր շրջապատի մեջ արտերկրում ահաբեկիչների կողմից ռազմական գործողություններին մասնակցելու կոչեր է տարածել, ինչպես նաև ծրագրել է միանալ նրանց և դատապարտվել է 7 տարվա ազատազրկման»,- ասված է հաղորդագրությունում։
Գերատեսչությունը նշել է, որ երկրորդ դատապարտյալը Ալմաթիի բնակիչ է՝ բազմիցս դատապարտված սովորական հանցագործությունների համար։ Ազգային անվտանգության կոմիտեի տվյալներով՝ նա համացանցում արմատական գաղափարախոսություն է քարոզել։
2024 թվականի սկզբից Ղազախստանում ահաբեկչական և ծայրահեղական գործունեության համար դատապարտվել է 84 մարդ, հայտնում է Ազգային անվտանգության կոմիտեն։
