Իրանի նախագահ Մասուդ Փեզեշքիանը Հյուսիսային Խորասան նահանգի Բոջնորդ քաղաքի բնակիչների հետ հանդիպման ժամանակ պահանջել է անջատել լույսերը՝ էլեկտրաէներգիայի խնայողության համար։
«Մենք սպառում ենք այնքան գազ և էլեկտրաէներգիա, որքան ամբողջ Եվրոպան, ինչո՞ւ են մեր լույսերը վառվում, երբ արևը շողում է»,- ամբիոնից ասել է Փեզեշքիանը։ Նույն պահին, ինչպես երևում է IRIB հեռուստաալիքով հեռարձակված կադրերից, սենյակի լույսերն անջատվել են։
Նախագահի խոսքով՝ շատերը չարաշահում են գազն ու էլեկտրաէներգիան՝ վատնելով դրանք։ «Սա շատ վատ սովորություն է, մենք պետք է ազատվենք դրանից», - ավելացրել է նա:
Դեկտեմբերի 12-ին Փեզեշքիանը տեսաուղերձ է ձայնագրել, որում կոչ է անում իրանցիներին նվազեցնել հովացուցիչ նյութերի ջերմաստիճանն իրենց տներում առնվազն երկու աստիճանով, որպեսզի նրանք կարողանան համալրել գազի պահեստները և շարունակել անխափան էներգամատակարարումը ողջ երկրին:
