Պատմաբանները արհեստական բանականության (ԱԲ) օգնությամբ բացահայտել են Մեծ Բրիտանիայի ծովային պատմության 461 տարվա մանրամասները։ Հետազոտության շրջանակում ԱԲ-ին սովորեցրել են մշակել ձեռագիր գրառումների շուրջ 100 հազար էջ։ Առանց տեխնոլոգիայի օգնության՝ այդ աշխատանքը ձեռքով կատարելու համար տարիներ կպահանջվեին։
Հետազոտողները պարզել են, որ բրիտանացիների առևտրի հիմնական ապրանքներից էին ածուխն ու գարեջուրը։ Առևտրի մեջ ներառված էին նաև Չինաստանից բերված մանկական խաղալիքներ, ոչխարի աղիք և վենետիկյան թիրեակ՝ բուսական դեղամիջոց, որը ժամանակին համարվում էր գրեթե բոլոր հիվանդությունների բուժման միջոց։
ԱԲ-ն սովորել է կարդալ վաղ նոր ժամանակաշրջանի ծովագնացների ձեռագրերը՝ պարզելու, թե ով, ինչ ապրանք, ում հետ, երբ և որտեղ էր փոխանակում։ Այն նաև նոր պատկերացում է տվել անցյալի ծովային առևտրի մասին։
Հետազոտության ընթացքում հայտնաբերվել են նաև անհետացած քաղաքներ ու նավահանգիստներ։ Դրանցից էր Յորքշիրի արևելքում գտնվող Ռեյվենսփըրնը՝ երբեմնի աշխույժ առևտրային կենտրոնը։
Հետազոտության հիման վրա ստեղծվել է նաև ինտերակտիվ քարտեզ, որի միջոցով մարդիկ կարող են ինքնուրույն ուսումնասիրել հավաքված ծավալուն տվյալները։
