Սիրիայի նոր ղեկավարության անվտանգության ուժերը կհետապնդեն հանրապետության նախկին նախագահ Բաշար ալ-Ասադի կողմնակիցներին, ովքեր հրաժարվում են վայր դնել զենքերը։ Այս մասին հայտարարել է անցումային կառավարության ներքին գործերի նախարար Մուհամեդ Աբդել Ռահմանը։
«Այն, ինչ տեղի ունեցավ ափին մեզ ավելի մեծ վճռականություն է տալիս՝ արմատախիլ անելու Ասադի ռեժիմի մնացորդները», - մեջբերում է նրա խոսքերը Al Hadath հեռուստաալիքը:
«Մեր ուժերը կհետապնդեն նրանց, ովքեր կհրաժարվեն իրենց զենքերը հանձնել ամբողջ Սիրիայում», - ասել է Մուհամմեդ Աբդել Ռահմանը:
Հինգշաբթի գիշերը Սիրիայի անցումային կառավարության ՆԳՆ ղեկավարը հայտնել է, որ Տարտուս քաղաքի մոտ դարանակալել են հանրապետության նոր իշխանությունների իրավապահները։ Բախումների արդյունքում զոհվել է անվտանգության 14 աշխատակից, եւս 10-ը վիրավորվել են։
