Ուկրաինայի նախագահ Վլադիմիր Զելենսկին ԵՄ անդամակցությունը անվանել է Ուկրաինայի անվտանգության հիմնական երաշխիքը։
«Ուկրաինայի ապագա անվտանգության երաշխիքները պետք է լինեն համապարփակ և իրավականորեն ամրագրված միջազգային մակարդակով։ Հակառակ դեպքում մենք չենք կարող ասել, որ պատերազմն ավարտվել է։
Սա չի սահմանափակվում միայն ռազմական օգնությամբ։ Մենք խոսում ենք երկարաժամկետ համակարգ ստեղծելու մասին, որը կկանխի ռուսական ագրեսիան և անհնար կդարձնի լայնածավալ ներխուժման կրկնությունը։
Նման երաշխիքների ամենակարևոր բաղադրիչներից մեկը Ուկրաինայի լիիրավ անդամակցությունն է ԵՄ-ին։ Հենց ԵՄ-ն է, որ երկարաժամկետ հեռանկարում կապահովի հուսալի քաղաքական, տնտեսական և իրավական պաշտպանություն արտաքին սպառնալիքներից», - նշել է Ուկրաինայի նախագահը։
