Իրանի Ազգային անվտանգության գերագույն խորհրդի քարտուղար Ալի Լարիջանին Մոսկվա կատարած այցի ընթացքում հայտնել է, որ Թեհրանը կարող է համաձայնվել հարստացված ուրանը տեղափոխել Ռուսաստանի Դաշնություն, հայտնում է The New York Times-ը՝ հղում անելով անանուն իրանական պաշտոնյաների։
Երկուշաբթի Ռուսաստանի նախագահի մամուլի խոսնակ Դմիտրի Պեսկովը հայտնել է, որ Ռուսաստանը առաջարկել է Իրանից հարստացված ուրանի ավելցուկների տեղափոխման ծառայություններ՝ որպես հնարավոր տարբերակ, որը կհաներ խոչընդոտները մի շարք երկրների համար։
«Վերջին օրերին Լարիջանին հանդիպել է Ռուսաստանի նախագահ Վլադիմիր Պուտինի հետ՝ Իրանի գերագույն առաջնորդ Ալի Համենեիի ուղերձով, ըստ որի՝ Իրանը կարող է համաձայնել իր հարուստացված ուրանը տեղափոխել Ռուսաստանին», — նշվում է հաղորդագրությունում։
