Եգիպտոսի արտաքին գործերի նախարար Բադր Աբդելատին ԱՄՆ-ի և Իրանի պաշտոնյաների հետ բանակցությունների ժամանակ կոչ է արել երկու կողմերին էլ թուլացնել լարվածությունը և դիվանագիտական միջոցներ ձեռնարկել Մերձավոր Արևելքում կայունությունը պահպանելու համար, հաղորդում է Egypt Today-ը։
Խոսքը վերաբերում է նախարարի հեռախոսազրույցներին Իրանի արտգործնախարար Աբբաս Արաղչիի և ԱՄՆ նախագահի հատուկ դեսպանորդ Սթիվ Ուիթքոֆի հետ։ Այդ զրույցների ընթացքում Բադր Աբդելատին ընդգծել է լարվածությունը նվազեցնելու և հանգիստ մթնոլորտի հասնելու համար ավելի մեծ ջանքեր գործադրելու անհրաժեշտությունը, հաղորդում է պարբերականը։
Նրա խոսքով՝ եգիպտացի նախարարը ընդգծել է դիվանագիտությանը հավատարիմ մնալու և Վաշինգտոնի ու Թեհրանի միջև երկխոսության վերսկսման համար ճանապարհ հարթելու անհրաժեշտությունը, որը կլուծի իրանական միջուկային խնդիրը։
Եգիպտոսի արտգործնախարարը կարծում է, որ ԱՄՆ-Իրան միջուկային ծրագրի շուրջ հնարավոր համաձայնագիրը պետք է հաշվի առնի բոլոր կողմերի շահերը և նպաստի անվտանգությանն ու կայունությանը ինչպես տարածաշրջանային, այնպես էլ միջազգային մակարդակներում։
