Հնդկաստանն ու Եվրոպական խորհուրդը ընտրել են երկկողմ ռազմավարական գործընկերություն, երկխոսություն և բացություն, հայտարարել է Եվրոպական հանձնաժողովի (ԵՀ) նախագահ Ուրսուլա ֆոն դեր Լայենը։
«Հնդկաստանն ու Եվրոպան հստակ ընտրություն են արել՝ ռազմավարական գործընկերություն, երկխոսություն և բացություն։ Մենք օգտագործում ենք մեր փոխլրացվող ուժեղ կողմերը։ Մենք ցույց ենք տալիս բաժանված աշխարհին, որ կա այլընտրանքային ճանապարհ»,-գրել է ԵՀ նախագահը Հնդկաստանի մայրաքաղաք Նյու Դելիում հունվարի 27-ին կայանալիք 16-րդ ԵՄ-Հնդկաստան գագաթնաժողովի բացմանը նախօրեին։
Ֆոն դեր Լայենը և Եվրոպական խորհրդի նախագահ Անտոնիո Կոշտան, Նյու Դելի ժամանելուն պես, հուլիսի 26-ին հարգանքի հյուրեր են դարձել Հնդկաստանում Հանրապետության օրվան նվիրված ռազմական միջոցառման ժամանակ։ Հունվարի 27-ին նրանք կանդիպեն Հնդկաստանի վարչապետ Նարենդրա Մոդիին և կկազմեն համանախագահներ 16-րդ ԵՄ-Հնդկաստան գագաթնաժողովում։
Գագաթնաժողովի օրակարգում ներառված է Ուկրաինայի հակամարտության և Մերձավոր Արևելքի իրավիճակի քննարկում, կայուն զարգացման, առաջատար տեխնոլոգիաների և նորարարությունների օգտագործման, անվտանգության ու պաշտպանության ոլորտներում գործընկերության հարցերի քննարկում։
