Իրանը վերացնում է երկրում միջազգային ինտերնետին հասանելիության բոլոր սահմանափակումները, հայտնել է ՏԱՍՍ գործակալությունը՝ հղում անելով իրանական դիվանագիտական աղբյուրին։
«Ներկայումս հանված են ոչ միայն ազգային ինտերնետային հարթակի բոլոր սահմանափակումները բոլոր ոլորտներում, այլև աստիճանաբար՝ արդեն սկսած հունվարի 19-ից, վերացվում են միջազգային ինտերնետի սահմանափակումները»,- նշել է գործակալության զրուցակիցը։
Նրա խոսքով՝ համապատասխան մարմիններին ուղղված նամակում նախագահ Մասուդ Փեզեշքիանը պահանջել է վերացնել բոլոր սահմանափակումները՝ ինտերնետային շուկայի աշխուժացման և հանրության համար միջազգային ինտերնետին հասանելիություն ապահովելու նպատակով։ Այդ գործընթացը ներկայումս գտնվում է իրագործման փուլում։
