Արևի վրա կրկին արձանագրվել են ուժեղ բռնկումներ՝ հակառակ գիտնականների կանխատեսումների։ Թեև բարձրագույն՝ X դասի բռնկումներ դեռ չեն նկատվել, վերջին օրերին Արևի ակտիվությունը զգալիորեն աճել է։
Ռուսաստանի ԳԱ տիեզերական հետազոտությունների ինստիտուտից հայտնել են, որ Արևի մակերևույթում այժմ «այրվում են» երկու հսկա ակտիվ կենտրոններ՝ յուրաքանչյուրը մոտ 150 հազար կմ տրամագծով։ Ըստ մասնագետների՝ հաշվի առնելով սեպտեմբերի վերջի և հոկտեմբերի սկզբի բավականին փոթորկոտ ընթացքը, Արևի էներգիան չպետք է արագ վերականգնվեր․ այնուամենայնիվ, այժմ դիտվում է անսպասելի վերակենդանացում։
