Վրաստանի վարչապետ Իրակլի Կոբախիձեն նախագահական ընտրություններից հետո, որոնց համաձայն՝ երկրի ղեկավարի պաշտոնում ընտրվել է իշխող «Վրացական երազանք» կուսակցության թեկնածու Միխեիլ Կավելաշվիլին, ասել է, որ եվրաինտեգրման ուղղությունը մնում է անփոփոխ, և երկիրը կանի ամեն ինչ՝ դառնալու ԵՄ անդամ։
«Մեր նպատակը եվրաինտեգրումն է, և դրա համար ամեն ինչ արվելու է, միակ բանը, որը չի կարող լինել փոխզիջման առարկա, դա մեր ինքնիշխանությունն է, անկախությունը, մեր տարածքային ամբողջականությունը, մնացած ամեն ինչը քննարկման թեմա է։
Մենք կարմիր գծեր ունենք, բայց, միևնույն ժամանակ, պատրաստ ենք ամեն ինչ անել, որպեսզի Վրաստանն, ի վերջո, դառնա Եվրամիության անդամ․ սա նաև նորընտիր նախագահ Կավելաշվիլիի դիրքորոշումն է։ Ես հավատում եմ, որ մինչև 2030թ. միանգամայն հնարավոր է դառնալ ԵՄ անդամ»,- ասել է Կոբախիձեն ճեպազրույցում:
