Սիրիական զինված ընդդիմության ներկայացուցիչները միջնորդների միջոցով հավաստիացրել են ամերիկյան վարչակազմին, որ իրենք մտադիր չեն որևէ կերպ համագործակցել «Իսլամական պետություն» ահաբեկչական խմբավորման հետ, գրում է The New York Times-ը։
Ինչպես նշում է հրատարակությունը, ԱՄՆ-ը Թուրքիայի կառավարության միջոցով հաղորդագրություն է փոխանցել զինված ընդդիմությանը, որ ԴԱԻՇ-ի զինյալները չպետք է ներգրավվեն Սիրիայում կառավարական ուժերի դեմ գործողությանը։
Նույն ալիքով զինված ընդդիմությունը պատասխանել է, որ մտադիր չէ թույլ տալ, որ Իսլամական պետությունն իր հետ ասոցացվի։
Հաղորդագրությունները, նշում է թերթը, փոխանցվել են դիվանագիտական, ռազմական և հետախուզական ուղիներով։
