ՌԴ նախագահ Վլադիմիր Պուտինը հեռախոսազրույց է ունեցել Ադրբեջանի նախագահ Իլհամ Ալիևի հետ, հայտնում է Կրեմլի մամուլի ծառայությունը։ Պետությունների ղեկավարները քննարկել են արդյունաբերության և տրանսպորտի ոլորտում իրականացվող նախագծերը, ինչպես նաև ռազմավարական գործընկերությունը։
Հեռախոսազրույցը տեղի է ունեցել 2024 թվականի օգոստոսին երկրների միջև ձեռք բերված պայմանավորվածությունների համատեքստում։ «Հաստատվել է փոխադարձ շահագրգռվածությունը ռուս-ադրբեջանական ռազմավարական գործընկերության և դաշինքի հետագա համակողմանի զարգացման նկատմամբ»,- ասվում է հաղորդագրության մեջ։
ՌԴ նախագահի մամուլի քարտուղար Դմիտրի Պեսկովն ավելի վաղ Վլադիմիր Պուտինի և Իլհամ Ալիևի հեռախոսազրույցն անվանել է «շատ մանրակրկիտ»։
