Ղրղզստանի ՆԳՆ աշխատակիցները վնասազերծել են մի խումբ մարդկանց, որոնց թվում եղել են նախկին ուժայիններ և մարտական պատրաստություն անցնող մի օտարերկրացի, ովքեր ծրագրել են զանգվածային անկարգություններ հրահրել հանրապետությունում, ապակայունացնել իրավիճակը և բռնազավթել իշխանությունը։ Այս մասին հայտնել է երկրի ՆԳՆ-ն։
«ՆԳՆ քրեական հետախուզության գլխավոր վարչության աշխատակիցները տեղեկություններ են ստացել զանգվածային անկարգություններ նախապատրաստող և հասարակական-քաղաքական իրավիճակն ապակայունացնող խմբի մասին, ըստ ստացված տեղեկությունների՝ այս կազմակերպված խումբը ստեղծվել է զանգվածային անկարգություններ կազմակերպելու և իշխանությունը բռնի զավթելու նպատակով»,- ասվում է հայտարարության մեջ։
Օպերատիվ-հետախուզական միջոցառումների ընթացքում «բերման են ենթարկվել այս խմբի անդամ մի շարք անձինք»։
