ԱՄՆ-ում մահապատժի դատապարտված Քրիստա Գեյլ Փայքը ողջ է մնացել երկու մահացու ներարկումից հետո. մահապատիժը տեղի չի ունեցել, հայտնում է Fox News-ը՝ վկայակոչելով նրա փաստաբանին։ «Փայքը ողջ է մնացել երկու մահացու ներարկումից հետո», – նշում է հեռուստաալիքը։
Ըստ հաղորդման՝ Փայքին ներարկել են պենտոբարբիտալի երկու չափաբաժին, սակայն վերջին չափաբաժնի ներարկումից ավելի քան 40 րոպե անց նա դեռ ողջ է եղել։ Վկաներին դուրս են բերել մահապատժի սենյակից, որից հետո Թենեսիի քրեակատարողական վարչությունը հաստատել է, որ Փայքը ողջ է մնացել։
Փայքը մեղավոր է ճանաչվել 1995 թվականին 19-ամյա Քոլին Սլեմերի սպանության մեջ։ Նա պետք է դառնար Թենեսիում վերջին ավելի քան 200 տարվա ընթացքում մահապատժի ենթարկված առաջին կինը։ Ավելի վաղ հայտնել էինք, որ Թենեսիում 200 տարվա ընթացքում առաջին անգամ կնոջ են մահապատժի ենթարկել։
Թենեսիի դատախազները մահապատժի են ենթարկել մի կնոջ, որը ավելի քան 30 տարի առաջ սպանել էր իր քոլեջի համակուրսեցուն:
