Բելգիայի իրավապահ մարմինները լրտեսության կասկածանքով ձերբակալել են չինական ծագումով կանադացի քաղաքացու, որը որպես պրակտիկանտ աշխատել է ՆԱՏՕ-ի եվրոպական շտաբ-բնակարանում, հաղորդում է RTL-ը՝ հղում անելով Բելգիայի դաշնային դատախազությանը։
«Ուրբաթ օրը ձերբակալվել է չինական ծագումով կանադացի քաղաքացի, որը պրակտիկանտ է եղել SHAPE-ում՝ Եվրոպայում ՆԱՏՕ-ի դաշնակից ուժերի ռազմավարական շտաբում, որը գտնվում է Մոնսում։
Նա կասկածվում է երրորդ երկրի օգտին լրտեսելու և հանցավոր կազմակերպությանը մասնակցելու մեջ», - հաղորդում են լրատվամիջոցները։ Կասկածյալի տանը և աշխատավայրում խուզարկություններ են անցկացվել։
