Իրանի զինված ուժերի խոսնակ Մոհամմադ Ակրամինիան հայտարարել է, որ Հորմուզի նեղուցը չի բացվի ռազմական սպառնալիքների կամ ճնշման արդյունքում։
«Ամերիկայի կողմից Իսլամաբադի փոխըմբռնման հուշագրի պայմաններին հավատարմությունը, բոլոր ռազմական գործողությունների դադարեցումը և Իրանի ինքնիշխան իրավունքների հարգանքը մեր պայմաններն են այս ծովային զարկերակը բացելու համար», – հայտարարել է նա։
Mehr լրատվական գործակալության փոխանցմամբ՝ նա հավելել է, որ Հորմուզի նեղուցը «կմնա փակ, մինչև Իրանի կամքը հարգվի»։
Թեհրանը Իսլամաբադում համաձայնեցված հուշագրի շրջանակներից դուրս ԱՄՆ-ի և նրա դաշնակիցների կողմից Հորմուզի նեղուցում ձեռնարկված ցանկացած միջոցառում համարում է «որպես ինքնիշխանության խախտում, որը կկանգնեցվի զինված ուժերի կողմից», – նշել է Ակրամինիան։
