Մոլդովայի Կենտրոնական ընտրական հանձնաժողովի տվյալներով, տեղական ժամանակով ժամը 11։00-ի դրությամբ քվեարկել է Մոլդովայի 503 221 քաղաքացի, ինչը կազմում է ընտրողների ընդհանուր թվի 18,07%-ը։
Իրենց ընտրական իրավունքն իրացրած ընտրողների ընդհանուր թվից 48.07%-ը (243.581) տղամարդիկ են, 51.92%-ը (261.155) կանայք։
Ամենաակտիվ ընտրողները 56-65 տարեկան անձինք են՝ 24,98% (127149)։Երկրի ղեկավարի պաշտոնի համար պայքարում են ներկայիս նախագահ Մայա Սանդուն և նախկին գլխավոր դատախազ Ալեքսանդր Ստոյանոգլոն։ Առաջին փուլի արդյունքներով Սանդուն ստացել էր ձայների 42,49%-ը, իսկ Ստոյանոգլոն՝ 25,95%-ը։
Երկրորդ փուլի ընտրությունները համարվում են կայացած, եթե քվեարկությանը մասնակցում է ընտրողների առնվազն մեկ հինգերորդը։ Ամենաշատ ձայներ հավաքած թեկնածուն կհաղթի։
