Վրաստանի պետական անվտանգության ծառայության նախկին ղեկավար Գրիգոլ Լիլուաշվիլին ձերբակալվել է խոշոր չափի կաշառք ստանալու համար և նրան սպառնում է 11-15 տարվա ազատազրկում: Այս մասին ճեպազրույցի ժամանակ հայտարարել է Վրաստանի գլխավոր դատախազ Գիորգի Գվարակիձեն:
«Վրաստանի գլխավոր դատախազության և պետական անվտանգության ծառայության համատեղ օպերատիվ-հետախուզական գործողությունների արդյունքում կալանավորվել է պետական անվտանգության ծառայության նախկին ղեկավար Գրիգոլ Լիլուաշվիլին։
Նա մեղադրվում է մեր վարույթում գտնվող մի քանի գործերով կաշառք ստանալու մեջ», - հայտարարել է Գվարակիձեն։ Ինչպես նշել է գլխավոր դատախազը, Լիլուաշվիլին մեղադրվում է մի խումբ անձանց կողմից կանխամտածված առանձնապես խոշոր չափի կաշառք ստանալու մեջ, ինչը նախատեսում է 11-15 տարի ազատազրկում։
Գվարակիձեի խոսքով՝ խոսքը մի քանի միջադեպերի մասին է։ Մասնավորապես, 2022 թվականի հոկտեմբերին Լիլուաշվիլին, այն ժամանակվա էկոնոմիկայի փոխնախարար Ռոմեո Միկաուտաձեի օգնությամբ, թուրք ներդրողից 1 միլիոն դոլար կաշառք է ստացել՝ քամու էլեկտրակայանների կառուցման վերաբերյալ հուշագրի համար լոբբինգ անելու համար։
