Ատոմային էներգիայի միջազգային գործակալության (ԱԷՄԳ) գլխավոր տնօրեն Ռաֆայել Գրոսին, որին Արգենտինան առաջադրել էր ՄԱԿ-ի գլխավոր քարտուղարի պաշտոնում, կարծիք է հայտնել, որ կազմակերպությունը վատ է գործում։
Նրա խոսքով՝ ՄԱԿ-ը մոռացել է, թե ինչու է ստեղծվել։
«Այն ստեղծվել է պատերազմները կանխելու, խաղաղությունն ապահովելու համար։ Եթե քարտեզի վրա վերլուծեք պատերազմի օջախները՝ Սուդանը, Ռուանդան և Կոնգոյի Դեմոկրատական Հանրապետությունը, Թաիլանդը և Կամբոջան, Սահելը, միաժամանակ Ադրբեջանն ու Հայաստանը, Գազան, ընդհանուր հայտարարը ՄԱԿ-ի բացակայությունն է », - նշել է Գրոսսին իսպանական El País թերթին տված հարցազրույցում։
Այս առումով Ատոմային էներգիայի միջազգային գործակալության ղեկավարը կարծում է, որ ՄԱԿ-ը «վատ է գործում»։
Հարցին, թե արդյոք ժամանակն է ՄԱԿ-ի գլխավոր քարտուղարի պաշտոնում կին ընտրելու, Գրոսսին պատասխանել է. «Մեկը պետք է ընտրվի իր հայացքների համար, այլ ոչ թե այն պատճառով, որ 80 տարի տղամարդկանց այս պաշտոնում աշխատելուց հետո կնոջ ժամանակն է»։
ԱԷՄԳ-ի ղեկավարը նաև հայտնել է, որ շատերը քննադատել են իրեն Ուկրաինայի հակամարտության սկսվելուց հետո Ռուսաստանի նախագահ Վլադիմիր Պուտինի հետ ունեցած զրույցի համար։
