ԱՄՆ-ի և Ուկրաինայի պատվիրակությունները Բեռլինում կայացած բանակցությունների ընթացքում «նշանակալի առաջընթացի» են հասել, ասվում է ԱՄՆ նախագահի հատուկ դեսպանորդ Սթիվեն Ուիթքոֆի տարածած հայտարարության մեջ։
«Պատվիրակությունները խորը քննարկումներ են ունեցել 20 կետանոց խաղաղության ծրագրի, տնտեսական հարցերի և այլ թեմաների շուրջ։ Նշանակալի առաջընթաց է գրանցվել, և նրանք կրկին կհանդիպեն վաղը առավոտյան», – գրել է նա X-ում։ Դեկտեմբերի 14-ին Բեռլինի Գերմանիայի կանցլերությունում տեղի ունեցավ ամերիկյան և ուկրաինական պատվիրակությունների հանդիպումը՝ Ուկրաինայում հակամարտության կարգավորման վերաբերյալ։
Ուիթքոֆից բացի, ամերիկյան պատվիրակության կազմում էր նաև նախագահ Դոնալդ Թրամփի փեսան՝ ձեռնարկատեր Ջարեդ Քուշները։
