Իրանը պատրաստ է երկխոսություն սկսել արեւմտյան երկրների հետ: Այս մասին հայտարարել է Իրանի գերագույն առաջնորդ այաթոլլա Ալի Խամենեիի խորհրդական Ալի Աքբար Վելայաթին։
«Իսլամական Հանրապետությունը բաց է ցանկացած արևմտյան տերության հետ համագործակցության համար, որը ձգտում է Իրանի հետ անկեղծ հարաբերությունների, հարգում է Իրանի ինքնիշխանությունը և մեզ հետ խոսում է հավասարի պես»,- ասել է Վելայաթին բրիտանական Financial Times թերթին տված հարցազրույցում։
Հրատարակությունը պարզաբանում է, որ նման հայտարարություն Իրանի առաջնորդի խորհրդականն արել է հոկտեմբերի 27-ին՝ Իսլամական հանրապետության վրա Իսրայելի հարձակման հաջորդ օրը։
