Ինդոնեզիայի իշխանությունները ասոցիացիայի 16-րդ գագաթնաժողովի շրջանակներում «outreach» / «BRICS plus» ձևաչափով հանդիպմանը ցանկություն են հայտնել միանալ BRICS-ին։ Այս մասին ասվում է երկրի արտաքին գործերի նախարարության կայքում հրապարակված հաղորդագրության մեջ։
«Ինդոնեզիան իր ցանկությունն է հայտնել միանալ BRICS-ին Կազանում BRICS Plus հանդիպման ժամանակ»,- ասվում է տեքստում։
«Ինդոնեզիայի միանալը BRICS-ին ազատ արտաքին քաղաքականության դրսեւորում է»,- ասել է արտգործնախարար Սուջիոնոն։ «Սա չի նշանակում, որ մենք միանում ենք որևէ ճամբարի, մենք ակտիվորեն մասնակցում ենք բոլոր ձևաչափերին»,- հավելել է նա։
«Մենք տեսնում ենք, որ BRICS-ի առաջնահերթությունները համահունչ են Ինդոնեզիայի կառավարության աշխատանքային ծրագրերին, ի թիվս այլոց՝ կապված սննդի և էներգետիկայի անվտանգության, աղքատության վերացման կամ մարդկային ռեսուրսների զարգացման հետ», - ասել է Ինդոնեզիայի արտգործնախարարը: Նրա խոսքով՝ BRICS-ին մասնակցելու միջոցով Ինդոնեզիան ցանկանում է ուշադրություն հրավիրել «զարգացող երկրների և գլոբալ հարավի երկրների ընդհանուր շահերի վրա»։
Հոկտեմբերի 22-24-ը Կազանում կայացել է BRICS-ի 16-րդ գագաթնաժողովը, որը ասոցիացիայում Ռուսաստանի Դաշնության նախագահության առանցքային իրադարձությունն է։
