Խոհարարությունը սմբուկը ճանաչեց միայն 19-րդ դարում, իսկ բժշկությունը՝ նույնիսկ ավելի ուշ։ Սակայն այժմ այն նույնիսկ օգտագործվում է դեղամիջոցների պատրաստման մեջ։
Այն առողջարար է։
- Կար ժամանակ, երբ սմբուկը համարվում էր հոգեկան խանգարումների պատճառ։ Սակայն, գիտության մեծ առաջընթացից հետո պարզվեց, որ, ընդհակառակը, սմբուկը շատ օգտակար մթերք է մարդու օրգանիզմի համար,- ասաց սննդաբան Յանա Լապկոն։- Օրինակ, դրա պարունակած կենսաբանական քիմիական միացություններից մեկը մաշկի քաղցկեղի մեկ տեսակի բուժման մեջ որպես օժանդակ միջոց նշանակվող քսուքի մաս է կազմում։
Մանուշակագույնից մինչև սև
Մեկ այլ հատկապես արժեքավոր «սմբուկի» նյութ է հզոր պոլիֆենոլ քլորոգենաթթուն՝ ամենաբարձր հակաօքսիդանտային ակտիվությամբ։ Հենց այս թթվի առկայությունն է բաղադրության մեջ, որը բացատրում է սմբուկի օգտակարությունը սրտանոթային համակարգի համար։ Այն նաև նվազեցնում է շաքարախտի և քաղցկեղի առաջացման ռիսկը, քանի որ ունի հակաուռուցքային ազդեցություն։
Բացի այդ, բուծողները մշակել են սմբուկի հիբրիդներ, որոնք առանձնանում են շատ մուգ, գրեթե սև գույնով։ Սա վկայում է անտոցիանինների բարձր պարունակության մասին, որոնք ունեն օրգանիզմի բջիջների վնասումը կանխելու և նույնիսկ դրանք վերականգնելու ունակություն։
Միակ տեսակը
Կարող ենք նշել սմբուկի եզակի օգտակար հատկությունների մասին ևս մի քանի հետաքրքիր փաստեր։ Քլորոգենաթթուն հաջողությամբ հակազդում է հերպեսի հարուցիչներին։ Իսկ PP վիտամինը, որը նույնպես սմբուկի մաս է կազմում, օգնում է ծխողներին ավելի մեղմ կերպով թողնել կախվածությունը։
Թարգմանությունը՝ Euromedia24.com-ի
