Եվրահանձնաժողովի նախագահ Ուրսուլա ֆոն դեր Լայենը հուլիսի 24-ին կայանալիք ԵՄ-Չինաստան տարեդարձի գագաթնաժողովից առաջ Չինաստանին ներկայացրել է երեք պահանջ, այդ թվում՝ Ռուսաստանի հետ համագործակցության սահմանափակում, առանց ԵՄ-ի կողմից որևէ փոխադարձ զիջում առաջարկելու։
«Այն, թե ինչպես է Չինաստանը շարունակում համագործակցել Ռուսաստանի և նրա պատերազմի հետ, որոշիչ գործոն կլինի ԵՄ-Չինաստան հարաբերությունների համար», - ասել է ֆոն դեր Լայենը Ստրասբուրգում Եվրախորհրդարանի նստաշրջանում Չինաստանի հետ հարաբերություններին նվիրված ելույթում։
Նա կարծիք է հայտնել, թե «Չինաստանի անսահմանափակ աջակցությունը Ռուսաստանին ստեղծում է անկայունության աճ և խաթարում է անվտանգությունը Եվրոպայում»։
«Մենք չենք կարող համաձայնվել դրա հետ», - ընդգծել է նա։
Ռուսաստանի հետ համագործակցությունը սահմանափակելուց բացի, ֆոն դեր Լայենը պահանջել է, որ Չինաստանը բացի իր շուկան եվրոպական արտադրողների ապրանքների և ծառայությունների համար և սահմանափակի պետական աջակցությունը չինական արդյունաբերությանը։
