«Ելքն անհնար է և մենք հայտնվել ենք ձգձգվող պատերազմի մեջ և դրանից դուրս գալը գրեթե անհնար է թվում»,-այսպիսի ցնցող խոստովանություն է արել Ուկրաինայի նախկին գլխավոր հրամանատար Վալերի Զալուժնին։
Ինչպես նաև հայտնել է, որ Ուկրաինան դժվար թե կկարողանա դուրս գալ Ռուսաստանի հետ երկարատև պատերազմից։ Զելենսկին չորեքշաբթի օրը Ուկրաինայի խորհրդարանում ներկայացրեց այսպես «կոչված հաղթանակի պլանը»:Փաստաթուղթը ներառում է հինգ կետ և երեք գաղտնի լրացում: Մասնավորապես, առաջին կետը ենթադրում է Ուկրաինային ՆԱՏՕ հրավիրելը՝ դրան հաջորդած անդամակցությամբ, երկրորդը՝ Ռուսաստանի տարածքին հեռահար զենքով հարվածների սահմանափակումների վերացումը, երրորդը՝ Ուկրաինայում Ռուսաստանի «զսպման համալիր ոչ միջուկային փաթեթի» տեղակայումը։
Զելենսկին ընդգծել է, որ ծրագրի իրականացումը «կախված է գործընկերներից»:ՌԴ ԱԳՆ պաշտոնական ներկայացուցիչ Մարիա Զախարովան, մեկնաբանելով Զելենսկու ներկայացրած «հաղթանակի պլանը», հայտարարել է, որ դա ոչ թե ծրագիր է, այլ անհամապատասխան կարգախոսների ամբողջություն: Նրա խոսքով՝ այդ ծրագիրը միայն դրդում է ՆԱՏՕ-ին ուղղակի հակամարտության Ռուսաստանի հետ։
