Ռուսաստանն ու Իրանը դաշնակցային հարաբերություններ ունեն։ Այս մասին ՌԴ նախագահ Վլադիմիր Պուտինը հայտարարել է BRICS-ի անդամ երկրների առաջատար լրատվամիջոցների ղեկավարների հետ հանդիպման ժամանակ, փոխանցում է «ՌԻԱ Նովոստի»-ն։
«Ինչ վերաբերում է Իրանին, ապա մենք ուղղակի դաշնակցային հարաբերություններ ունենք Իրանի հետ։ Եվ մենք շատ սուր զգացողություն ունենք, թե ինչ է կատարվում այս երկրում, խոր զգացում ունենք, թե ինչ է կատարվում տարբեր ոլորտներում»,- ասել է նախագահը:
Հոկտեմբերի 18-ին Մոսկվայում Իրանի դեսպան Քազեմ Ջալալին ասել է, որ Ռուսաստանի և Իրանի միջև համապարփակ համագործակցության մասին համաձայնագիր կստորագրվի Կազանում BRICS-ի գագաթնաժողովից հետո, որը կանցկացվի հոկտեմբերի 22-24-ին։
