Ռուսական կողմը հաստատում է արտգործնախարար Սերգեյ Լավրովի պլանավորված մասնակցությունը Ստամբուլում հոկտեմբերի 18-ին կայանալիք «3+3» ձևաչափով հանդիպմանը։ Այս մասին ՏԱՍՍ-ին ասել է ՌԴ ԱԳՆ պաշտոնական ներկայացուցիչ Մարիա Զախարովան։
«Մենք հաստատում ենք Սերգեյ Վիկտորովիչ Լավրովի մասնակցությունը»,- նշել է նա՝ պատասխանելով համապատասխան հարցին։
Հիշեցնենք, որ ՀՀ ԱԳ նախարար Արարատ Միրզոյանը նույնպես կմասնակցի «3+3» տարածաշրջանային խորհրդատվական հարթակի երրորդ հանդիպմանը։
Ավելի վաղ Թուրքիայի արտգործնախարար Հաքան Ֆիդանը հայտնել էր, որ ԱԳՆ ղեկավարների «3+3» ձեւաչափով երրորդ նիստը տեղի կունենա Ստամբուլում հոկտեմբերի 18-ին։
