Ֆրանսիական ոստիկանությունը ձերբակալել է 22-ամյա Աֆղանստանի քաղաքացու՝ նոյեմբերին կայանալիք նախագահական ընտրությունների ժամանակ ԱՄՆ-ում ահաբեկչություն նախապատրաստելու գործի շրջանակներում, հայտնում է Agence France-Presse-ը՝ վկայակոչելով Ֆրանսիայի ազգային հակաահաբեկչական դատախազի հայտարարությունը։
«Ֆրանսիայի ոստիկանությունը ձերբակալել է 22-ամյա աֆղանցու, ով կապված է ԱՄՆ-ում իր հայրենակցի հետ, նա կասկածվում է ընտրությունների օրը ահաբեկչություն ծրագրելու մեջ»,- գրում է գործակալությունը։
Նշվում է, որ Ֆրանսիայում կալանավորված անձը կասկածվում է ԻՊ-ին (Իսլամական պետություն) աջակցելու մեջ։
France Presse-ի աղբյուրը հայտնել է, որ Ֆրանսիայում կալանավորված աֆղանցին կարող է լինել ԱՄՆ-ում կալանավորված հայրենակցի եղբայրը, սակայն դատախազները չեն կարողացել հաստատել այս տեղեկությունը։
Մեկ այլ աղբյուր գործակալությանը հայտնել է, որ գործի առնչությամբ սկզբում Ֆրանսիայի հարավ-արևմուտքում երեք մարդ է ձերբակալվել, սակայն նրանցից երկուսը ավելի ուշ ազատ են արձակվել։
