Նիկարագուան համալրել է Իսրայելի հետ դիվանագիտական հարաբերությունները խզած երկրների ցուցակը

12.10 23:45 | Կատեգորիա Համաշխարհային

Նիկարագուան խզել է դիվանագիտաան հարաբերություններն Իսրայելի հետ՝ երկրի կառավարությանը մեղադրելով «ֆաշիզմի» եւ «ցեղասպանության» մեջ Պաղեստինի տարածքի դեմ հարձակվելու պատճառով, հայտնել են Նիկարագուայի կառավարությունում։

Ինչպես տեղեկացրել է Al Jazeera-ն, Նիկարագուան միացել է մի շարք երկրներին, որոնք խզել են հարաբերությունները կամ դիվանագիտական գործողություններ նախաձեռնել Իսրայելի դեմ այն բանից հետո, երբ նա պատերազմ է սկսել Գազայի հատվածում 2023թ. հոկտեմբերին։

Բահրեյնը հետ է կանչել իր դեսպանին նոյեմբերին՝ հայտնելով, որ այդ քայլը «հաստատել է Բահրեյնի պատմական դիրքորոշումն ի աջակցություն պաղեստինյան գործի»։

Բելիզը դիվանագիտական հարաբերությունները խզել է նոյեմբերին՝ կրկնելով Գազայում «անհապաղ հրադադարի» իր կոչը։

Բոլիվիան դիվանագիտական հարաբերությունները խզել է նոյեմբերին՝ վկայակոչելով «մարդկության դեմ հանցագործությունները, որոնք կատարվել են պաղեստինցի ժողովրդի հանդեպ»։

Բրազիլիան մայիսին հետ է կանչել իր երկրի դեսպանին պատերազմի պատճառով լարվածության մի քանի ամիսներից հետո։

Չադը նոյեմբերին հայտարարել է, որ հետ է կանչում ժամանակավոր հավատարմատարին խորհրդակցությունների համար, եւ այդ որոշումը ընդունվել է Գազայի հատվածում հակամարտության պատճառով «զայրույթի» հետ կապված։

Չիլին հետ է կանչել իր դեսպանին նոյեմբերին այն բանից հետո, երբ մեղադրել է Իսրայելին մարդու իրավունքների» անընդունելի» խախտումների մեջ։

Կոլումբիան խզել է դիվանագիտական հարաբերությունները մայիսին՝ Իսրայելի վարչապետ Բենիամին Նեթանյահուի վաչչակազմն անվանելով «ցեղասպանածին»։

Հոնդուրասը հետ է կանչել իր դեսպանին խորհրդակցությունների համար նոյեմբերին, Գազայում ստեղծված «լուրջ հումանիտար իրավիճակի» հետ կապված։

Հորդանանը նոյեմբերին հայտարարել է, որ հետ է կանչում իր դեսպանին՝ Իսրայելին մեղադրելով «աննախադեպ հումանիտար աղետ» ստեղծելու մեջ։

Հարավային Աֆրիկան նոյեմբերին հայտարարել է, որ հետ է կանչում երեք դիվանագետների Իսրայելից՝ հակամարտության հետ կապված խորհրդակցությունների համար։

Թուրքիան հետ է կանչել իր դեսպանին նոյեմբերին՝ «Գազայում հումանիտար ողբերգության» պատճառով։

Ամենաշատ կարդացվածներ

Հայտնաբերվել են նոր վիրուսներ, որոնք մարդկանց փոխանցվում են սատկած կենդանիներից

11.03 03:16 | Կատեգորիա Բժշկություն

Ալիևը, իր դատարանում, «դատում» է հայի բոլոր տեսակներին. Հովակիմ Զաքարյան

12.03 00:26 | Կատեգորիա Մտքեր

Ադրբեջանի հերթական քարոզչական կեղծիքը. Արտյոմ Տոնոյան (Լուսանկարներ)

12.03 00:38 | Կատեգորիա Մտքեր

Լոկոմոտիվը հաղթեց Մախաչկալայի Դինամոյին, Թիկնիզյանը՝ գոլային փոխանցման հեղինակ

12.03 01:47 | Կատեգորիա Սպորտ

Բաքուն հերթական սադրանքին է գնում, «հայ ականատեսներ» է բերում «դատավարություններին». ադրբեջանագետ

11.03 23:47 | Կատեգորիա Մտքեր

Reuters. Զելենսկին սկանդալից հետո կարող է նորից հրավիրվել Սպիտակ տուն

11.03 23:37 | Կատեգորիա ԱՄՆ

Անաստասիա Վոլոչկովայից 1,7 մլն ռուբլի գողացած բրոքերները դատապարտվել են

12.03 00:13 | Կատեգորիա Ժամանց

Ոստիկանական հատուկ օպերացիա՝ Երևանում. ասֆալտին են «փռվել» Սուքիասյանի անվտանգության աշխատակիցները

12.03 01:32 | Կատեգորիա Հասարակություն

Մաշկաբանը նշել է՝ որ խմիչքներն են նվազագույն վտանգ ներկայացնում դեմքի մաշկի համար

11.03 23:59 | Կատեգորիա Բժշկություն

ՈՒՂԻՂ